一切從頭開始....

終於可以講個頭喇.. YEAH!!!

頭呢個旅程到而家我仲身在其中...

話說..係中學時代既我同其他朋友仔都一樣對頭髮護理應知係..
每日洗一次頭, 得閒梳下d 頭髮就OK..,而對洗頭水選擇係, 去watson/manning 買..媽咪用咩我用咩..當時一直用V字開頭既開架日本品牌既洗頭水..

直至....

有一日我如常洗頭..(即係用一直用開既洗頭水沖洗一次), 隔左幾個鐘之後..
係頭頂對落左3吋既位置有d痴痴笠既野痴住d頭髮形成一個光環狀圍住左個頭頂T____T..(後來我先知d痴痴笠既野係頭油). 

起初以為自己洗得唔乾淨..又再洗一次頭..但隔左幾個鐘痴痴笠情況又出現(好似幾十年都冇洗頭..d頭髮痴痴笠到梳都梳唔到. 而且痴痴笠到太恐怖, 我唔敢出街)
經過上網 check 同問朋友, 我認定係頭皮開始抗拒呢隻洗頭水既成份, 所以產生反效果.

由於天氣潮濕又熱.更加注重頭部護理.
因為我皮膚乾到連頭皮都乾同埋又係長頭髮系列, 對於長頭髮只係洗一次頭係唔係好乾淨. 好容易出頭油, 頭皮屑同出頭瘡問題一蘿蘿 (p.s.好怕d高過我既人企埋黎聞到d頭油味).

所以揀洗頭水方面, 最好要針對頭皮健康. 用d少矽同人工香料成份既洗頭水.因為太多化學物質會刺激頭皮,會令頭皮失衡而引致頭油倒塞皮膚同毛孔, 頭皮炎甚至甩頭髮. 

而家我既護理程序係:
- 每次洗頭前同訓之前梳下頭, 梳走d塵垢. 用梳按摩下個頭皮, 速進血液循環. 有助減低頭皮失衡而大量出頭油.
- 每次洗頭要兩次, 沖洗時耐心少少,用多少少時間去沖乾淨D洗頭水. (記住要令洗頭水起左泡先搽落個頭到)
- 每個禮拜幫頭皮做深層清潔同幫頭髮做個保濕Hair Mask (深層清潔 - 春夏季每星期兩次, 秋冬每星期一次)
- 洗完頭等頭髮半乾時用protected heat 既產品先再吹頭. 一定要吹頭,至少要令頭髮根部要乾, 如果唔係會因為天氣潮濕而引起頭皮炎.
- 由於我岩岩呢個EASTER 假期去左燙頭髮, 所以頭髮尾部比較乾.我會用髮尾油. 正常情況下髮尾油會係秋冬時吹頭前用.

以下就係我一直用緊既產品:

護理產品總覽

日常洗頭水~ 韓國 呂 Ryoe-自生花草系列

~自生花草系列~
淺紫 - 保濕亮澤 洗頭水
功效: 打造健康毛鱗片、強化髮根
適用: 細軟髮質和敏感頭皮
功效: 恢復損傷的頭皮角質層以及起保護作用. 增加彈性，防止開叉，深層滋潤. 防止脫髮，有效減少因季節轉換而產生的脫髮.

淺粉紅 - 滋潤光澤，修復髮質 護髮素
適用: 燙染受損髮質適用，滋養髮質
功效: 針對由於經常燙髮和吹髮，使失去光澤和彈力的頭髮. 恢復損傷的頭皮角質層以及起保護作用, 增加彈性，防止開叉，深層滋潤.

我之前係用Aveda 既 dry remedy系列和Invati系列 (真係超好用, 頭髮真係超靚) .. 但每次買支salon size 都好似割再塊肉咁痛. 經髮型師介紹我試用呂. So far 超正!!

天氣開始熱, 我會多用一d 保濕成份高既洗頭水. 呂既淺紫樽係我既all time favorite.而淺粉紅樽比較滋潤, 適合秋冬使用. 我一向係同一時間用同一系列既洗頭水同護髮素, 但由於前排係759再搵唔到自生花草系列既產品, 經過一輪尋尋覓覓之後, 先係屋企附近買到淺粉紅樽. 唯有用住先. 呂既護髮素可以媲美Aveda dry remdy 既護髮素. 洗完頭搽係髮尾到再等5-10分鐘先過水. 吹完成個頭後, 髮尾仍然係輕盈柔順. 唔似一般護髮素, 好似加左層膠係頭髮上面, 岩岩洗完頭好似冇咩野, 但一吹完頭, 髮尾一d水潤柔順感都冇,再過幾個鐘, 髮尾會開始打結. 

左: 韓國 呂 Ryoe - 深層控油洗髮水

右: Aveda for men - 磨砂洗髮水

個人超推磨砂洗頭水. 我諗真係好少人會幫頭皮exfoliate. 頭皮同面皮一樣. 我地知面部皮膚會起角質, 要定期去角質. 頭皮一樣. 我同意台灣知名blogger IGsele 係佢一個YouTube post 所講.. 面部鬆弛其中一個原因係頭皮老化. 而引至老化其中原因之一係角質變厚. 要保持頭皮健康. 幫頭皮去角質係重要一環!!!

除左exfoliating 頭皮, 有冇諗過頭皮都需要精華素?
Rene Furterer Paris Complex 5 精華油 和 Aveda Invati  Scalp Revitalizer 精華素呢兩支係我最愛. 佢地同時含有天然草本成份, 有深層清潔功效, 亦可以幫助頭皮既血液循環, 刺激頭髮生長及穩固髮根.

左: Rene Furterer Paris Complex 5
右: Aveda Invati  Scalp Revitalizer 

Rene Furterer Paris Complex 5 使用方法:
係頭髮未洗濕之前先將Rene Furterer Paris Complex 5 搽係髮根到(我係搽哂成個頭部除左後腦位置)然後按摩頭皮5 -15分鐘, 等精華油慢慢被吸收, 再靜候15分鐘先用洗頭水洗頭. 一星期大概用1-2次. (敏感頭皮同染色頭一個星期除外)

Aveda Invati  Scalp Revitalizer 使用方法:

早晚各一次. 我係係早上洗完頭同睡覺前用, 貼近頭皮平均噴8個位置然後按摩頭皮. 冇需要用水清洗.

左: Aveda dry remedy moisturizing mask
右: Aveda damage remedy daily hair repair

每個禮拜我會用Aveda dry remedy 既hair mask 1-2次. 呢個hair mask係可以用係頭皮上面. 可以保持頭髮耗曲度, 令頭髮有彈性之外同時亦令頭髮好水潤有光澤. 次次用完佢都好似為自己拍緊d頭髮廣告咁.

如果你比較講究,吹頭前可以搽左daily hair repair 係頭髮到先開始吹頭, 頭髮會冇咁乾旱. 捲曲既頭髮最岩用, 佢可以幫到你吹頭既時候d頭髮唔會旱到散開哂. (我吹頭有時好懶, 正常係應該一路拎起一兩束頭髮一邊捲起束頭髮一邊吹, 我發現用左hair mask + daily hair repair. 我係可以唔洗咁樣吹頭, 頭髮既捲曲度都保持到, 冇咁散.)

而髮尾油我係比較喜歡mis en scene perfect repair 同 The Body Shop Grapeseed Glossing Serum. 我多數係秋冬時候用, 時乎頭髮多少, 放1-2 pump係掌心, 搓開佢係手掌到先再搽係髮尾. 呢兩隻so far 我用左咁耐(The Body Shop0個支我已經回購第3支) 都冇令髮尾痴到一舊舊好似好耐冇洗頭咁. 

左: mise en scene perfect repair
右: The Body Shop Grapeseed Glossing Serum

以上係我個人分享. happy sharing~~~~